Fund: Messi nënshkroi kontratë të re me Barcelonën

Ajo që më ditë paralajmërohej të hënën në stadiumin Nou Camp realizohet. Argjentinasi në ambientet e klubit vuri nënshkrimin e tij për vazhdimin e kontratës edhe për katër vite të ardhshme, duke paralajmëruar qëllimin e tij për ta përfundoj karrierën e tij aty ku u afirmua. Messi në prani të Horhes (agjentit) dhe presidentit Maria Bartomeu është obliguar të qëndroj në gjigantin katalonas deri në vitin 2018, ku do të bëhet futbollisti më i paguar në botë, pasi sipas marrëveshjes së re do të përfitoj 20 milionë euro në vit. Për 10 vite te Barca ai shënoi 354 gola, 126 asiste dhe ka fituar 21 trofe. Klauzula e tij është 250 milion euro!

“Gjithcka që mund të bëj tani është të kërkojë ndjesë nga tifozët dhe tu premtoj se sezonin e ardhshëm do të jemi në nivelin e duhur. Pas meje është një sezon i vështirë në planin personal dhe profesional, sepse gjërat nuk shkuan ashtu sic kemi pritur, por shpresojmë se do të bëhet më mirë”, tha Messi, i cili pas shumë vitesh nuk gjendet në ekipin ideal të Primeras.