Përpara zgjedhjeve parlamentare të
Kosovës, shumë politikanë europiane, ku më tepër spikasin ata gjermanë,
kanë bërë deklarata të fuqishme kundrejt të metave të qeverisë kosovare.
Ministrja e Mbrojtjes
së Gjermanisë, Ursula von der Leyen, e cila papritur anuloi takimin me
kryeministrin Thaçi, është njëra nga “nënvlerësimet” që mund ti bëhej
qeverisë së tanishme. Zërave për korrupsion, nepotizëm dhe krim të organizuar në Kosovë, i shtohet edhe Holm Sundhaussen, historian i njohur nga Berlini, profesor për historinë e Europës Juglindore në Freie Universität Berlin dhe autor i disa veprave mbi historinë e Ballkanit, njofton portali Almakos.
Sundhaussen thotë, - "Pavarësia e Kosovës është njëra anë, ana tjetër është ndërtimi i shtetit. Akterët politikë në Prishtinë janë larg, shumë larg nga ndërtimi i një shteti funksional. (...) ... politikanët pushtetarë të Kosovës artin e qeverisjes e kuptojnë si vazhdimësi të 'ilegalitetit' me mjete të tjera. Korrupsioni, krimi i organizuar, nepotizmi, menaxhimi i keq dhe pabarazia sociale po e mbajnë vendin peng. Në shkallën e korrupsionit Kosova gjendet e fundit në listë në mesin e vendeve të Europës Juglindore. (...) Nëse nuk arrihet çlirimi nga prangat e kriminalitetit, Kosova do të shndërrohet apo do të mbes shtet i dështuar ('failed sate')".
Në 8 Qershor do mbahen zgjedhjet parlamentare në Kosovë. Kjo ka rëndësi të veçantë, pasi shumë parti të ndryshme, rrezikojnë të mbesin jashtë parlamentit si pasojë e pragut prej 5%.
No comments:
Post a Comment